J2心目中嘅月曆，係啲好傳統嘅掛牆同座檯月曆，即係有個鐵圈扣住個月曆，有塊硬紙皮托住個月曆咁。 對於J1嚟講，整月曆呢樣嘢總不能太過普通。 見到J1呢份執著，J2都冇俾太多建議同參與。由買儀器、材料，到試驗、製作，J1嘅創作力大爆發，直至見到月曆有個雛型，J2先知道個月曆嘅獨特之處！

嚟到多倫多，每朝起身之後，都會走去望望月曆，睇吓嗰日有咩事要做。 呢個係我哋好多年嘅習慣嚟。 不過，我哋望嘅係帶過嚟嘅香港月曆。於是，第一次過加拿大嘅公眾假期Victoria Day（維多利亞日），我哋懵然不知，仲差啲送咗阿女返學添！ 你可能會問：買個加拿大月曆咪得囉！ 都係嘅，之不過我哋內心實在有太多關於香港嘅羈絆，點捨得淨係睇加拿大嘅節日呢！ 「啊！唔知呢度有冇月曆係有香港同加拿大嘅假期呢？」 我哋搵咗一段時間，最後決定 –– [...]